“SOCAR Midstream Operations” MMC ISO 9001:2015 sertifikatını uğurla yeniləyərək keyfiyyətin idarə edilməsi sahəsində beynəlxalq standartlara sadiqliyini bir daha təsdiqləyib.
UKAS akkreditasiyalı “Intertek Certification Limited” tərəfindən təqdim edilən bu sertifikat şirkətin əsas fəaliyyət istiqamətlərini, o cümlədən büdcə təhlili, maliyyə hesabatlarının nəzərdən keçirilməsi, müştərilər üçün maliyyə məlumatlarının hazırlanması sahələrini əhatə edir.
Yenilənmiş sertifikat növbəti üç il müddətində qüvvədə qalacaq. Şirkət ilk dəfə ISO 9001 sertifikatını 2013-cü ildə əldə edib və o vaxtdan etibarən əməliyyat səmərəliliyi və xidmət keyfiyyətinin davamlı təkmilləşdirilməsi vasitəsilə uyğunluğu qoruyub saxlayır.